How to install WordPress to work in PHP (wordpress for php part 1)

How to install WordPress to work in PHP ( WordPress for PHP Part 1)

Hello friends! Aap ek website banana chahte hai aur aap is field me new hai to aapko is tutorial se bahut kuch sikhne ko milega. Website banane ke lie wordpress best platform hai kyoki aap agar koi programming language nahi jante fir bhi aap wordpress par easily apni unique website bana sakte hai. WordPress website banane ke liye bahut hi famous platform hai, kyoki wordpress ke lie bahut sare plugins aur themes free me available hai.

• Read: ONLY 99RS ME DOMAIN NAME KAISE KAHA SE KHARIDE

WordPress par website banane ke lie aapko webhosting ki jaroorat padegi, lekin aap new hai is liye pahle aap wordpress ko localhost se use  karna better rahega. WordPress ko hum 2 tariko se install kar sakate hai.

1. Apne webhosting account par
2. Apne PC me localhost

sabse pahle website ko pc me localhost me install karana behtar hai, kyoki hum koi galati karte hai to koi dikkat nahi aati. Fir aap Acche se wordpress website ko manage karne ke bare me Jan loge tab aap Apne webhosting account par is website to transfer kar sakate hai.

How to install wordpress in PC localhost ?

Jaise ki abhi market me PHP language ke kayi frameworks available hai, jo hame PHP website build karne me efficiency dete hai.

WordPress na sirf PHP ke liye par normal site banane ke bhi kaam aata hai aur us site ko aap host bhi kar sakte hai jo smartphone se bhi ho sakta hai. Par agar aapko php platform par website ya project banana ho to PC/laptop zaruri hai.

• Read: WHAT IS DOMAIN NAME? COM, IN, NET, TOP-LEVEL DOMAINS KYA HAI?

PHP ke sab frameworks me WordPress sab se easy aur industry me sab se zyada istemaal kiya jaane wala framework hai, To is post me WordPress installation and working ke baare me bataya jayega.

Sabse pehle aapko PHP language ke baare me pata hona chahiye ke PHP WAMP ya fir XAMP servers par kam krta hai, To apke PC/laptop me WAMP ya XAMP install hona zaroori hai.

Dusri baat agar aapko koi bhi problem hoti hai to sab wordpress.org par available hai, jitni zyada aapki search karne ki capability hogi utni zyada achchhi aur attractive website aap build kar sakenge.

Step 1. WordPress ki official site wordpress.org par jaaye

Step 2. Download Wordpress par click kare aur jo page open ho usme WordPress ke version ka download button hoga waha click kre

Wo ek .zip file hogi  use apke WAMP ya XAMP ke folder me extract krna hoga.

Uske liye download zip file ko agar XAMP use krte hai aap to httpdoc ke folder me aur agar WAMP use karte hai to www ke folder me move kare

• Read: BLOG WEBSITE KO SABHI SEARCH ENGINES ME EK SATH SUBMIT KAISE KARE

Ham yaha WAMP use kar rahe hai to download file to yahan ham :  wamp /www

Folder me move karenge aur jaise yahan dikhaya gaya hai waise Extract to wordpress4.8 pr click kar ke extract  karenge.

Step 3.  Extract ho jaane ke baad wordpress-4.8 folder me jaaye aur uske andar wordpress naam ka ek folder hoga.

Wo folder hai jisme main files save hoti hai .

Ab us wordpress ke folder ko  wordpress-4.8 folder se nikal ke www folder me move karna hoga

Move ho jaane ke baad wordpress-4.8 folder aur zip file dono ko delete kar de. 

Step 4. Ab aapko WAMP server start karna hoga aur WordPress ko run karna hoga.

Uske liye WAMP run kare aur localhost par click kare

Step 5. Uske baad aapke www me  jitney folders hoge wo is screen par dikhayi denge

Jinme wordpress naam ka folder available hoga. An aapko us folder par click karna hai

Click karne ke baad wordpress ka main page open hoga jahan se hame WordPress ko install karna hoga. To wordpress folder ko select kare

• Read: BLOG ME PROFESSIONAL WIDGETS KAISE INSTALL KARE?

Step 6. Select karne ke baad ye screen open hogi jisme hame bataya gaya hai ke wordpress start karne ke liye hame 5 chizo ki zarurat padegi. Let’s go button par click kijiye.

Ab is 5 chizon ke bare me ham aapko batayege

1.Database Name :   database name wo hai jo aapko PHP MY ADMIN par create karna padega

Agar aapko PHP ki knowledge hai to ye kaam aap aasani se kar payenge.

Uske liye apko php myadmin pr jaana hoga jaise is picture me dikhaya gaya hai.

Ab yahan pe create new database me database ka naam likhe aur create button par click Karen database create ho jayega. Ab php my admin ko minimize kar dijiye.

2.Database Username : yahan pe value me “root” likhna hai. Kyun ki hamara pc/laptop hi is waqt user hai.

Agar aap ye website host karenge to aapko username change karna padega jo aapke computer ka naam ho sakta hai

3.Database Password : is field me kuch nahi likhna hai yaad rakhiyega ke ye jagah khali rakhni hogi. To ise skip kar de aur khali chhod de.

4.Databse Host :database host me hamesha  localhost hoga. To yahan pe “localhost” likhe.

5.Table Prefix : ye optional hai. Agar aapko 1 se zyada wordpress websites ek hi database se handle karni ho to aapko table ka prefix change karna hoga. yahan pe degault value wp_ set hogi. use waise hi rehne dena hai.filhaal usme koi change nahi aayega.

Step.7  Sabhi value enter kijiye jaise step 6 me bataya gaya hai aur submit par click kare.

Submit karne ke baad niche dee gayi screen open hogi ab aapko run the install par click karna hai.

Ab wordpress finally install hoga.

Step 8. Ab aapko ek form dikhayi dega jahan pe aapko sari fields fill karni hai

1.Site title : aapki site ka naam aapko yahan enter karna hai

2.Username : aap koi bhi name yahan enter kar sakte hai jo aapko yaad rakhna hai

3.Password : yahan pe password aapko default diya jayega. Aap chahe to wo hi rakh sakte hai yaa fir aap jo chahe wo strong password set kar sakte hai

Password aapse login karte samay manga jayega. To password aur username dono yaad rakhe.

4.Your email: yahan pe aapko apna email address enter karna hai.

Bas itna hi enter kare aur search engine visibility ko check na kare use waise hi rehne de  aur install wordpress par click karna hai.

• Read: GOOGLE SITE KAISE BANAYE AUR GOOGLE SITE KA UPYOG BLOGSPOT BLOG ME KAISE KARE?

Ab aapko next window me aapka user name dikhayi dega aur niche di gayi screen open hogi.

Ab wordpress successfully install ho chuka hai. Ab aap login kar sakte hai. To login par click Kare.

is process ke liye aapko internet connection ki zaroorat bhi nahi padegi. 

Step 9. User id aur password enter kare.

Login ke baad aapko apna dashboard aur baki sabhi options yahan par dikhayi denge.

Ab aap usme se kuch bhi kaam kar sakte hai theme change karna, page create karna, aur account bhi manage kar sakte hai.

Ab agar aap PHP MY ADMIN par jaake apne database par click karenge to aap yahan dekh sakte hai ke tables apne aap create ho gaye hai aur usme data automatic enter ho jayenge.

• Read: WORDPRESS GENESIS CHILD THEMES CONVERTED FOR BLOGGER FREE 2017

Agar aap kuch add karte hai apne php site me to wo sabhi data bhi isi database ke tables me store hote jayenge 

Is tarah se wordpress website ko pc localhost me install kar sakate hai. Aesi hi jankari ke liye subscribe kare aur hamari site solutionsoul.com ko visit karate rahiye.